Un 25X que será protagonizado polo común, e no que á cabeza da tradicional manifestación que todos os anos sae da Alameda figurará unha faixa co lema A nación galega, sen sigla ningunha, e sen máis símbolos que a bandeira que hoxe presentamos, a do sol poñente, que queremos que represente os mil ríos de Galicia, todas as bandeiras de Galicia xuntas.
Desde o palco, celebraremos a festa e proclamaremos nun manifesto todos os desafíos que temos enfronte, pero tamén todas as ocasións nas que tivemos disposición e capacidade para autoorganizármonos, de demostrar ser unha nación capaz de existir por ela mesma. De ter vontade común no tocante ao noso futuro.
Chamamos desde hoxe a que calquera organización, as políticas e as sindicais con vocación de permanencia na defensa dos intereses dos cidadáns e dos traballadores, pero tamén as plataformas de afectados por situacións estruturais ou conxunturais, as asociacións de veciños, os colectivos culturais, deportivos ou recreativos... Calquera forma de organización que conforma o que se chama a sociedade civil se vexa interpelada por este chamado, na conciencia de que a suma multiplica, e de que a resta en realidade divide. Se non somos quen de xuntármonos na celebración do 25 de xullo, poucos labores en común poderemos acometer.
Galicia, 17 de xullo de 2015
-> Descarga o logo 25-X A NACIÓN GALEGA: en PDF (637KB) ou coma imaxe JPG (408KB). Tamén en baixa resolución, para os perfís de twitter: imaxe JPG (49KB).
